أكتب كلمة المرور لمشاهدة التعليقات
لبى
^^^
لبى الخطى تختال ياعاشقـ ن بآن
لبى الغلا والشوق بأقوى عزيمه
***
لبى السّعاده سرّها بعين ولهاان
وتكسي هدبها من حياها حشيمه
***
لبى الحلا والعين والطول ماهان
لبيه يا شـوق النـديم إلـ نـديـمه
***
اقرب وجوفي عاهدلك بالاسكان
يامالكـ ن عمري بجـديد وقـديمه
***
في ذمتي ماابعـدك لوكان ماكان
وانت الغرام اللي هـذاهـو نعيمه
***
اتنـفسـك مابين قــلبي والاركـان
وما للحـياه بغيرك اليوم قـيــمه
***
قلتـه وانا حاتم واقوله بالايمان
للصـاحب اللي ينتـظر منّّا هزيمه
********
مااقدر اجفاك
&&&&&&&
لبى فؤآدن تحمله ماقدر اجفاك
ولا أهوجس أبعد ايامك واخليك
***
ابذمّتي ما فالبشر زيّك ويسواك
ياللي شغلت افكآر ياما تحاتيك
***
ياطول ما تسرح بي افلآم ذكراك
بمشاهد الماضي ولحّظة مناجيك
***
وإن تطلب البآقي من ايامنا؟هاك
أحلآ آمآسن قبلها ما مـرّن عليك
***
أمّا المشاره ياالغلا والله إنتعداك
يوم الصراحه بالوفا جيتك اهنيك
***
قل؟ ويشهو يجرحك بس وادماك
يومن دعيت احزان قلبي تواسيك
***
يابعد رووحي ترى النفس تشقاك
هو ؟ الزمان أبكاك ولاّ محاتسيك
***
انت العشـير اللي زمآآآني تمـنآك
ومهما أسوي بـ إتجآهك ماوفـيك
***
ياأجمل إنسانـ ن عرفته.. لعينآك
درّن عذآرى.. باالمشآعر تغـنيك
*******
&&&&
و شلون يامحمد الخافق يطيب
واناالغـريب اللي زمـانه توطـاه
***
وقتـ ن لفى بالشيب دون المشيب
حتى لـذيذ النـوم ماعدت ويـاه
***
بـ القـلب نارن وأوقـدت به لهـيب
من حرها قامت همومه تعلاه
***
إقمح يا قلبي وانت خوفك يغيب
هذاه تركنا في طريق خشيناه
***
خلي رحل بالشرق اوهو مغيب
مـير الاكيد إنه ذبحني بذكراه
***
ليته يشوف الحال عقبه صعيب
في ساعة بدل حضوره بفرقاه
***
عزالله ان الجرح من عده عطيب
وتدرج له الدمعات لاحل طرياه
***
وعزّي يابوجوري من أمسا غريب
ويصفق على كفه الايسر بيمناه
********
دنياالشقا
********
الواهج اللي بالتوالي يجيني
خلا خفوقي بالمعاثير ينضام
***
وعزالله انه فارق النوم عيني
في ساعة منها المخاليق نيام
***
ياما ضـجعت يسار و لايميني
عله يغادر نومتي سودالاحلام
***
يومن مالي فالمصيبه عويني
غير الولي أبدي عليه التظلام
***
يقطعتس يادنيا الشقا والونين
دنيا يشين بهاالعمركل الاعوام
***
العمـر قفّـى والسـوايا تشيـني
وأهب ياحـظن ثواني ولا قـام
***
وهذي الدموع ادفها لا تحيني
تقرب محاجرها شقيه بهاعرام
***
حتى الرفيق اللي يديه بيديني
ماعـاد نطري له ولا يمّنا حام
***
الصاحب اللي لادعيته فطيني
بالماقف الشده يوقف بالاقدام
***
يارب عفوك من نهارن حزيني
وانادخيلك من صواديف الايام
*****************
كتبت هذه القصيده
للشاعر محمد الشرمان اليامي
وقد رد عليها الشاعر في ابيات فاقت التوقعات لمافيها من معاني كبيره
تسلم يابوعـبـــــــدالله وصح لسانك
*************
هاض الخفوق وسطر الخط تسطير
واركاله الهاجس بعذب الجزالا
***
ببيوت شعر ويسـعدنّ المغاوير
للشامخ اللي مرتقي بالعلالا
***
محمد اليامي عسى حزّتة خـير
حرن على العسره يفك المحالا
***
هدّه على الشده كما هدت الطير
يغزو ولا تغزي عليه النذالا
***
اللي عن الوقفات عجلن مدابير
ولا على الصوله قوّي احتمالا
***
خبلٍ ورى دنياه يعزّف مزامير
ولا وجد منها ياكود الهزالا
***
إمكملن نقصاه في سبت الغير
ماهمه المنقود في كل حالا
***
يفداك يامحمد من اجناسه كثير
الخايب المطعون مخبي الدلال
***
هذا وانا حاتم اغنّي التعابير
واشرح لك الخاطر بروق الخيالا
***
وختامها للي على اقدامه يسير
ينشر هدى مولاه وقت الضلالا
***
منّي صلاة تعتلي حزة عصير
وصابها الخالق عظيم الجلالا
**************
قرّح بنات الفكر جتني طوابير
قامت مع شوح الهبايب تتالا
**
هاذي مدابير وهاذي مناحير
وميرادها عد القراح الزلالا
**
من عقب خط مصخر القاف تصخير
حاتم عريب الساس روس الثقالا
**
يابن الأكارم ياسليل المناعير
الهرج واجد والحقايق قلالا
**
ومن يستمع هرج الخبول السماسير
ماحاز فاالدنيا دروب العدالا
**
وهاذي سوات الناس نفاخة الكير
تدرج رحاها بالهروج الهزلا
**
وحنا خلقنا الله على فعلة الخير
واخذنا عن دروب الردي انعزلا
**
آجا وسلمى والابانات والنير
رواسي فيها الذرى والضلالا
**
ولاّ الزبار إليا ولته المعاصير
روّح وراحت به رياح الشمالا
**
كبير ياحاتم ولك منهجن غير
حرن مواكيرك بروس الطوالا
**
وافي جعل تفداك روس المعاثير
خطوى صديعٍ علته ماتشالا
**
واقبل سلام كنه در المصاغير
مالاح برّاق المزون الجلالا
********************
أهدي هذه الكلمات الى أخي الغالي على قلبي
عبدالله بن مشعان
********
يابنات ارمن على دربه ورود
اجعلن اخطاه باقات الزهر
***
يوم ابوعزه على البيضا ورود
حزتن حسيت في حالي خطر
***
دايمن دربك ياعبدالله صعود
توصل العليا مثل لمح البصر
***
الكلام يسرفي وصف الفهود
لاتغنى خاطري باجمل شعر
***
والوسام يعلّقه رجلن صمود
وانت من شافك يكبر منبهر
***
الله انه يبعدك عين الحسود
يالحزام اللي اشّدبك الظهر
******
*
امّا اسقني ولاّترى الموت جآني
&
لاوالذي انشاكـ بالحسن سواكـ
مالكـ دخيلٍ بالغلا شخص ثاني
***
يقوله اللي ماطمع غير بحكاك
من بد كل الناس قاصي ودااني
***
واليوم ياجعل الملا كله افداكـ
يفداكـ عمري ومابقى من زماني
***
يارووعة احساسي ياكامل حلاياكـ
ياشيخة الشيخات زاهي الثماني
***
دخيلكـ ارحمني من اشرق محياكـ
والنظره اللي اهتز منها كياني
**
وش عاد بطلب منكـ اناغير لقياكـ
وفي شوفتكـ بهديكـ كل الاماني
**
ساعة اشد من الغلا حيل يمناكـ
وتهمس لك شفاتي بحلو المعاني
**
حبيـبي لحظه.. لاتعجـل بـمسراكـ
ارجوكـ وقتكـ لا يصير بثواني
**
جـيتكـ ضمى واليوم بارد على مااكـ
اما اسقني والا ترى المــوت جاني
********
ابو فيصل
&&&&&
القـلب مسه فـالمعاليق طـاوي
حتى تقطـع نابضـه من صوابه
***
عدّت ثلاث سنين حسّيي خلاوي
احاور الهاجس بسبايب عذابه
***
واسمّع الخاطر حزينات الغناوي
إلا الدموع تسابقـه عن جـوابه
***
أحد.. من يآسي كثير الرجاوي
عـلّه يروح بسـاع ضيم الكـآبه
***
يومن ابوفيصل بعيد الهقاوي
عجّل على مـوتي بيارق حرابه
***
في ساعتن قامت تزيد البلاوي
حتى ضـحك منّي عـدوّ القـرابه
***
اللي على ربعه قويّ الدعاوي
يقـطعـك ياوقتـ ن عـلينا لفـابه
***
واليوم جاته من ظمير النداوي
شردن توثق موقـفه من كتـابه
***
هـذا وانا للصـد مـانيـب قـاوي
ساع الزمن ضوّى طريقـ ن خفابه
***
وصلاة ربي خـير كل الحـكاوي
عـلى الـنبي اللي عشـقنا جـنابه
*********
يا خاين العشره اشـوفك تمـاديت
“”"”"”"”"”"”"”"”"”"”"”"”"”"”"”"”"”"”"”"”"”"
والله لغادر عالمك واتناساك
واطوي معك صفحات جرّالتناهيت
***
تعبت اجامل حظرتك واترضاك
واطلق لك حجاجي بقو مااقسيت
***
في ذمتي ماحدٍ يسوي سواياك
يا خاين العشره اشوفك تماديت
***
شرّرق وتلقى من تجوزه خفاياك
خبل يشك بموقفه كل ماخطيت
***
واناعسى مايسرق الفكر ذكراك
ويسامح الزله شمال ابها تعديت
***
يوم الحياء بين على اشرق محياك
وقت نويتك بالغلا تسكن البيت
***
ذاك الزمان المر يخفي نواياك
ويأكد انك باالخيانه تجريت
***
ماقلتها مقهور في حزّة اعلاك
قصدي اكسّر عزّتك لا تعليت
***
ولا مثل كذاب في حبه ادفاك
قصده يلبي حاجته منبعد جيت
***
إلاّ عشان يفارق الطيف ويكاك
اللي خذاني لآخر الليل ممسيت
***
واختامها يابنت مانيب شكاك
مثلك اجازي بالخيانه يبالفيت
***
انا صدوقن صادق القلب واعطاك
ماطأ دروب داجها سيئ الصيت
***********
ياسراب مضابي
ماعادلي في حبك اليوم مصلوح
مـا دام لك قلـبٍ بغـدره نـوابي
***
عزمت اسافر وابتعد عنك واروح
واطوي معك صفحة من كتابي
***
هذي حقيقه قلتها مابها مزووح
وقررت عن حبك صراحه إنسحابي
***
ياكثر ماتجـرح وانا اقول مسموح
إلين همّ الجرح فيني صطابي
***
و ياما رجيتك لا تزيدني جروح
انا دخـيلك لا تـزود صـوابي
***
وجازيتني بالشك يامشقي الروح
ومن جور ضلمك عايش باغترابي
***
لاتعـتذر بالله ولا تكـثر الـنوح
ماعااد صبري يحتمل هالعذابي
***
مليت كتماني وفضلت انا البوح
ولحضرتك لابد تسمع جوابي
***
وبكل حزنٍ قلتها بصوت مبحوح
ودعتك الله ياسرابٍ مضـابي
***********
أهلا وسهلا بك في مدونتي. هذه تدوينتك الأولى. عدّل عليها أو احذفها, واستمتع بالتدوين!
